اغنية شارموفرز (الحلم)
أقدم لكم اليوم كلمات من أجمل كلمات الأغاني وهي كلمات أغنية الحلم The Dream لأشهر فريق غنائي في مصر وهي فرقة شارموفرز Sharmoofers المصرية مكتوبة كاملة بدون أخطاء إملائية ، يحمل كلامها أجمل المعاني الشبابية الرائعة ونتمنى أن تنال كلمات هذه الأغنية لفرقة شارموفرز كل الثناء والإعجاب والذي إعتادنا منهم على أجمل ما أبدعو في عالم الموسيقى. فإليكم الكلمات..!
قاعد ع الشاطئ والجو جنبي هادئ
والشمس طالعة من الجبل و اليوم لسه بادئ
حوار داخلي مع نفسي و انا قاعد معايا
مالك مستغرب أكيد بتكلم نفسك في المراية
هييييييييي انا هبدأ من البداية
الطفل الصغير بدأ الحياة بحلمه الكبير
تاتا تاتا أول خطوة و مشي في السير
في اكتشاف ناس كتير منه بتخاف
الطفل بيكبر حلمه بيصغر نام واتغطى باللحاف
عندي حقيقة أي كلام دا ليها، ليّا وليكا انا حاسس بيكا
حلم الحياة ليك لوحدك زي الفريك مالوش شريكا
الملازم حلمه يبقى لواء قراره حازم
و اللي جاهل حلمه يذاكر في الملازم
أصل الحلم مش فلوس دايماً بتفشخ النفوس
انا مش قصدي النصيحة اسمعي يا مديحة
الورد عشان يطلع لازم طين وسماد بريحة
حلمك الحرب الكبيرة والناس كتيرة
دة الفرق كبير بين الكراهية وبين الغيرة
و انشر السلام طيّر الحمام
اعمل اللي تحسه سد ودانك م الكلام
وانشر السلام طيّر الحمام
اعمل اللي تحسه سد ودانك م الكلام
مادام حصل يبقى خير يلا طلع جناح الطير
ومش هزعل ع اللي راح الدنيا دي لسه براح
لسه حياة طويلة لما الطوبة تبقى جايّة
انا هستقبلها زي الميّة
هطرطش وآخدها في القاع
من غير تفكير بصفو نية
هقول الحلم في الاساطير
أو وانت نايم ع السرير
يلا خش في السير