وقفة ناصية زمان – احمد مكي

وقفة ناصية زمان هي اغنية من اجمل اغاني الراب العربية، وقد قام باداء الغناء لهذه الاغنية الفنان, المطرب, المغني, المخرج الكبير, النجم الممثل الرائع والرابرز المصري أحمد مكي Ahmed Mekky وتعتبر من اجمل الاعمال الفنية له على مستوى الفن والطرب المصري في مصر، حيث تحكي عن ذكريات الماضي والواقع الذي يعيشه الشباب المصري سواء في الشارع المصري او البيئة المصرية الاجتماعية بشكل عام، وقد طرحها في يوم الــ 14 لشهر ديسمبر / كانون الأول من العام 2017، كما انه تم عرضها لاول مرة على قناة مكي ميوزيك Mekky Music الخاصة باحمد مكي على موقع الفيديو الشهير بــ يوتيوب.

الكلمات من كتابة, تاليف الشاعر, الكاتب والمؤلف احمد مكي نفسه، وقد لحنا وعمل على تلحينها وتقديم الالحان لها الملحن آدم الشريف، وقدم لها التوزيع الوسيقى المايسترو ادم شريف، اما عن الهندسة الصوتية فقدمها المهندس طاهر صالح، وقام احمد مكي باخراج الفيديو كليب والانتاج لها ايضاً، سنقدم لكم تقرير بالمعلومات والتفاصيل الكاملة حولها على موقعكم نايسبيديا فنتمنى ان تنال كل اعجابكم.

كلمات الاغنية


انت فاكر رمضان .. كان الناس بتعلق زينة

و بتحط ساعات نشارة ملونة كنت لسة هقولك عليها

و ييجوا بواحد يعمل فريم ابيض بدقيق ولا بجبس و يرسم جواه دة كان فن

حبل النور فيشته كانت بتتوزع كل يوم على شقة

إنت فكرتنى بدى كانت رهيبة برضو أه هههههه

ليها معنى كبير طبعا محدش يشيل لوحده

الطبق الى دايما طالع نازل فى كل شقق العمارة

أه طبق هو بيجيلك و بيترد و بتوديه و بيجيلك

تعمل انت حاجة تملاه و تبعته و يرجعلك تانى دى كانت جميلة

دلوقتى الموتوسيكل يخش ع البنت عليه تلاتة يخشوا و يقلبوا شنطتها

يقلبوها من دراعها و ياخدوا منها أى حاجة ممكن يقرصوها أصلا اه

من غير أى سبب و لا عملوا حاجة و لا خليوا من الحاجة

زمان البنت و هى مروحة كانت أول ما بتخش المنطقة خلاص كأنها دخلت البيت آمان

و الدار آمان الدار امان فاكرين و لا فاكرين ولا نقول كمان

وقفه ناصيه زمان إدتنا إزاى نملك لسان

موزون بيلاغى الصايع و الضايع و الجنتلمان كله سيان

قابلنا كل أنماط جنس الإنسان و إتعاملنا فإتبنى جوا الدماغ بوصلة و ميزان

فى جزء الثانية بنعرف نفقس مين جدع و مين جبان

و مين بقلب مات و أسود و مين قلبه بينبض حنان

و مين تشوفه تقول ده هادى و لو نكشته تشوف جنان

و مين غلبان و مين شيطان و جن و قرد و بهلوان

حتى الشقاوة ع الناصية كان ليها أصول

الخناق راجل لراجل مش راجل قصاد أسطول

كات وصمة عار كبيرة إنك تضرب واحد من الضهر

حصل هيحصلك عار يوصلك للقبر

مكنش العادى إن القوى بيكسر الأضعف منه

تحس الكل كان مؤمن القوى فى الأقوى منه

من أول محترم شقى حتى المجرم كمان

الكلام ده شوفته بعينى فى وقفة ناصية زمان

كنا عزوة للحتة وقفتنا تحبها ياما وقفات دلوقتى الناس تتمنى هدها

ألفاظ شمال بصوت عالى و ريحة حشيشها فايحة منها

إزاى ولاد الحتة يبقوا هما مصدر همها .. قولي

كان يا ما كان وقفة ناصية زمان كان ياما كان

وقفة الناصية إتعلمنا فيها كتير لغات

السغة لمون ( و هى لغة يتكلم بها البعض فى المناطق الشعبية مثل منطقة الطالبية بالهرم) كانت لغة بنرغى بيها لساعات

لو فيه غريب ما بينا و مش عاوزين يفهم معنى الحاجات

ساسب حواجب سفهم يتنيل ساجة حالات (حاسب يفهم حاجة)

و فى كمان لغات جسد سبيل مثال دى العيدية ودى الجيزة فوق الكوبرى

ودى الطالبية و دى التلات طوابق إلى ناسها مية مية

و ده الهرم و دى نفض و دى صبرك عليا

وقفة الناصية كانت زى النادى تمام إتعلمنا فيها هواية إن كانت كلاب أو حمام

وقت الرغى فى الهواية مابيخلصش فيه الكلام

مافيش فلوس عادى برضه مابتموتش الأحلام

عملنا بإيدينا ملعب غية و طبلية و جيم الحاجة أم الإختراع إسعى إتوكل تتم

ماكانش فيه آيباد تابلت واتساب فيسبوك واكلينلى يومى

يومى كله كان خبرات بشر من فجرى لحد نومى

مش معزول و منطوى قدام شاشات و بالساعات

وسط ناس و مجتمع بشارك فيه بكتير حاجات

ياما حلينا ع الناصية كتير مشاكل و حوارات

أخد الحق حرفة تبات ولعة تصبح رماد

على وضعك يا عم مكى يا ليلى يا عين يا ليلى

فاكرين ولا نقول كمان منطقتى هى الطالبية

معلومات و تفاصيل


اسم الاغنية:وقفة ناصية زمان
غناء:أحمد مكي
كلمات:احمد مكي
ألحان و توزيع موسيقي:آدم الشريف
هندسة صوتية:طاهر صالح
النوع والتصنيف:راب – اجتماعي – ذكريات – تحفيز
عام الانتاج:2017
انتاج:احمد مكي للانتاج
اخراج الفيديو كليب:أحمد مكي
الجنسية:مصري
بلد التسجيل والانتاج:جمهورية مصر العربية

استماع ومشاهدة الفيديو كليب


قد يعجبك أيضاً